نساء تحت التعذيب (1)
الأم مبروكة ..وشيخ الخفر
من أقوال الأم مبروكة أمام النيابة العامة بتاريخ 18/10/2003
س:
قررت بأقوالك سلفا بقيام الضابط ياسر صبحى بتعريه جسدك أمام الأهالى فسرى لنا
ما حدث على وجه الدقه بشأن ذلك؟
جـ: اللى حصل ان بعد ما الضابط ياسر صبحى ضربنى بالكرباج راح ماسك هدومى من قفايا وراح مشلح جلابيتى قدام الناس كلها لحد نص ظهرى وبصراحة أنا مكنتش لابسه بنطولون لكن أنا كنت لابسه شورت بس وجسمى كله اتعرى وبان قدام الأهالى والناس وبقيت أقوله فى عرضك يا باشا وأقعد ادارى نفسى وقال لازم افضحك وأذلك قدام أهل البلد وراح مركبنى البوكس وقال لاثنين من المخبرين اللى كانوا معاه ...!.. لاحسن جوزها مش عارف ...!... وواحد من المخبرين الى كانوا مع الباشا وأنا معرفوش راح مادد ايده من ورا وانا متشلحه وهما بيركبونى فى البوكس ود اللى حصل.
س: وهل كان الضابط سالف الذكر يقصد تعريه جسدك أم كان ذلك بسبب اقتيادك لسيارة الشرطة؟
جـ: والله العظيم الضابط قاصدها وحلف لى أن لازم أذلك قدام البلد وفعلاً كنت بأدارى نفسى وهو يشلحنى والبلد كلها شافت الموضوع ده. تضامنوا معها
للحصول على نسخة من الكتيب برجاء الاتصال بجمعية المساعدة ت:5770901 فاكس:5789069